سەرۆکوەزیرانی عێراق سەرەخۆشی ئاڕاستەی سەرۆک بارزانی دەکات بەهۆی کۆچی دوایی کەسایەتییەکی دیاری بنەماڵەکەیان.
ئەمڕۆ نووسینگەی ڕاگەیاندنی سەرۆکوەزیرانی عێراق ڕایگەیاند، عەلی فالح زەیدی سەرۆکوەزیرانی عێراق پەیامی سەرەخۆشی ئاڕاستەی سەرۆک بارزانی کردووە بەهۆی کۆچی دوایی عەبدولواحید ئیبراهیم شێخ عەبدولسەلام بارزانی.
لە پەیامەکەدا، سەرۆکوەزیران پرسە و سەرەخۆشی قووڵی خۆی ئاڕاستەی بنەماڵەی سەرۆک بارزانی و خزمانی کۆچکردوو کردووە و هیوای سەبووری بۆ خواستوون، هاوکات بارەگای بارزانی لە ڕاگەیەندراوێکدا ئامادەکارییەکانی بۆ مەراسیمی پرسەکە خستە ڕوو.
بەپێی ڕاگەیەندراوەکەی بارەگای بارزانی، مەراسیمی بەخاکسپاردن و یەکەم ڕۆژی پرسەکە ڕۆژی یەکشەممە 6ـی ئەیلوولی 2026 لە دەڤەری بارزان بەڕێوە دەچێت، ڕۆژانی دووەم و سێیەمی پرسەکەش دەکەوێتە ڕۆژانی دووشەممە 7ـی ئەیلوول و سێشەممە 8ـی ئەیلوول لە شارۆچکەی پیرمامدا بەردەوام دەبێت.
ڕۆژی هەینی 4ـی ئەیلوولی 2026 سەرۆک بارزانی هەواڵی کۆچی دوایی عەبدولواحید ئیبراهیم بارزانی ڕاگەیاند، کۆچکردوو نەوەی شێخ عەبدولسەلام بارزانی بووە و وەک نموونەی ئایینداری و چاکەخوازی لەناو بنەماڵەکەیدا ناسراوە.
