حەج و عومرە هۆشداری دەداتە هاووڵاتییان

پرۆسەی ناونووسین بۆ ئەنجامدانی فەریزەی حەج لە هەرێمی کوردستان لە لایەن هاووڵاتییانەوە پێشوازییەکی بەرفراوانی لێ کراوە و لە ماوەیەکی کورتدا ئامارێکی بەرچاو لە تۆمارکردنی ناوی خوازیاران تۆمار کراوە.

ئەمڕۆ کاروان ستونی، وتەبێژی فەرمیی بەڕێوەبەرایەتیی گشتیی حەج و عومرەی هەرێمی کوردستان ڕایگەیاند، تەنها لە ماوەی دوو ڕۆژی ڕابردوودا نزیکەی 8000 کەس ناویان بۆ حەج تۆمار کردووە.

ناوبراو ئاماژەی بەوە کرد کە پرۆسەی ناونووسین تاوەکوو ڕۆژی چوارشەممە، ڕێکەوتی 2026/5/8 کاتژمێر 12:00ی شەو بەردەوام دەبێت و تا ئێستا پرۆسەکە بە شێوەیەکی سەرکەوتوو بەڕێوە دەچێت.

وتەبێژی فەرمیی حەج و عومرە ئەوەشی خستە ڕوو، دەروازەی حەج خزمەتگوزارییەکی نموونەیی و بێبەرامبەری حکومەتی هەرێمی کوردستانە و لە چوارچێوەی کارنامەی کابینەی نۆیەمدا خراوەتە خزمەت هاووڵاتیانەوە.

دەروازەی ئەلیکترۆنیی حەج بە مەبەستی ڕێکخستنی کاروباری حاجیان و پێشکەشکردنی خزمەتگوزاریی دیجیتاڵیی مۆدێرن، یەکێکە لە پڕۆژە خزمەتگوزارییەکانی حکومەتی هەرێمی کوردستان بۆ حاجیانی ماڵی خودا.

ئه‌مه‌ له‌كاتێكدایه‌، ڕۆژی 21ی ته‌ممووزی 2026، وەزارەتی ئەوقاف و کاروباری ئایینی پڕۆسەی ناونووسینی هاووڵاتییانی بۆ فەریزەی حەجی ساڵانی 2027 و 2028 بە شێوەی ئۆنلاین دەستپێکرد. هه‌روه‌ها  لینکی ناونووسین لە ژێر ناونیشانی دەروازەی حەج کارا کرا.