بەرگریکاری پێشووی ڕیاڵ مەدرید، ڕافائێڵ ئەلکۆرتا ئاگادارییەکی ڕاشکاوانەی ئاڕاستەی کارگێڕیی یانەکە و ستافی ڕاهێنەران کرد: گەڕاندنەوەی ڤینیسیۆس جۆنیۆر بۆ پێکهاتەی سەرەکی ڕەنگە هەموو ئەو پێشکەوتنانه هەڵوەشێنێتەوە کە تیمیەکە بەدەستی هێناوە.
قسەکانی ئەلکۆرتا دوای بردنەوە نوێیەکەی ڕیاڵ مەدرید هات، ئەمجارەیان لە دەرەوەی یاریگای خۆی لەسەر حسابی ڕاسینگ، ئەو بردنەوەیەی کە بڕوا بوونی لای بەرگریکارە نێودەوڵەتییەکەی پێشوو چەسپاند کە شۆڕشێکی ڕاستەقینە لە ژووری خۆگۆرینی مێرێنگیدا ڕوودەدات.
گومانەکان دەربارەی ڤینیسیۆسە و قەیرانێکی دەروونییە نەک جەستەیی بەڵام دوور لە دەستخۆشیکردن لە کاری بەکۆمەڵ، ئەلکۆرتا لەسەر گەورەترین نیشانەی پرسیاری پڕۆژە نوێیەکەی ڕیاڵ مەدرید وەستا دەلێت: دۆخی ئەستێرەی بەڕازیلی ڤینیسیۆس جۆنیۆر.
ئەو گومانە قووڵەکانی خۆی دەربڕی لەسەر توانای ڤینیسیۆس بۆ گونجاندن لەگەڵ سیستەمە نوێیەکەدا و گوتی: "گومانی زۆرم لەسەر ڤینی هەیە، کێشەکە بە هیچ شێوەیەک جەستەیی نییە، بەڵکو تەنها دەروونییە.
لە هەندێک یاری کۆنترۆڵکراودا دەبێتە یاریزانێک کە دەستبەرداربوونی ئەستەمە، بەڵام گومانم لە ئامادەیی دەروونیی ئەو هەیە بۆ ئەنجامدانی ئەو قوربانی و ڕۆڵە تاکتیکییانەی کە دیۆماندێ ئەنجامیان دەدات".
ئەلکۆرتا ئەگەر دەیەوێت بگەڕێتەوە سەر ڕێڕەوی ڕاست و پێگەی خۆی وەربگرێتەوە، دەبێت هەوڵێکی دوو ئەوەندە بدات و گەلێک لە لایەنەکانی ئاست و یاریکردنی چاکبکات".
ئەم تێڕوانینە لەلایەن ڕۆژنامەنووس ئەنتۆن میاناشەوە پشتگیریی لێکرا، کە پێی وابوو دۆخی یاریزانە بەڕازیلییەکە وەک پێشتر نەمێنێتەوە و ڕوونی کردەوە: "دۆخی ڤینیسیۆس بێئومێدکەر نییە، بەڵام زۆر قورس بووە. پێگەی ئەو لە ناو تیمەکەدا بە تەواوی گۆڕاوە".
لە لایەکی ترەوە، ڕۆژنامەنووس ئەنتۆنیۆ رۆمێرۆ تیشکی خستە سەر کاریگەرییە گەورەکەی یاریزانە نوێیەکە یان دیۆماندێ، و ئەو پرسیارەی ورووژاند کە زیاترین مشتومڕی لەسەرە و گوتی: "دیۆماندێ یاریزانێکی دەگمەن و سەرسوڕهێنەرە، ئاستی تەواوی تیمەکەی باشتر کردووە، تەنانەت کۆکۆریاش لە تەنیشتی ئەو باشتر دەرکەوتووە".
زیاتریشی گووت: "ئێمە باس لە ڤینیسیۆس دەکەین، دووەم گرانبەهاترین یاریزانی تیمەکە کە بەم دواییانە گرێبەستەکەی نوێکردۆتەوە. ئایا وەک یاریزانی یەدەگی هەمیشەیی دەیبینینەوە؟ من بە تەواوی ئەم بیرۆکەیەم بە دوور دەزانی، بەڵام ئێستا ڕای خۆم گۆڕی. دەبێت زۆر کار بکات چونکە دیۆماندێ یاریزانی سەرەکی بێ رکابەرە".
رۆمێرۆ ئاگادارییەکەی بەوە کۆتایی پێهێنا و جەختی کردەوە کە مۆرینیۆ سەودا بەوەوە ناکات کە بونیادی ناوە و گوتی: "زۆر بە زەحمەتی دەبینم مۆرینیۆ پێکهاتەکەی لە یارییە گەورەکاندا بگۆڕێت و بە سێ هێرشبەر یاری بکات تەنها بۆ ڕازیکردنی هەر یاریزانێک، چونکە ئەم بڕیارە هەموو ئەو پێشکەوتنانە دەسڕێتەوە کە بەدەست هاتون".
