پۆلیسی هەولێر ڕوونکردنەوەیەکی لەبارەی دروستکردنی پشێوی لە قەزای خەبات بڵاو کردەوە و دهستگیر كردنی ئهو كهسانهی ڕاگهیاند كه پشێوییان دروست كردبوو.
ئهمڕۆ بەڕێوەبەرایەتیی پۆلیسی پارێزگای هەولێر ڕایگهیاند، شەوی یەکشەممە 23-8-2026 چەند کەسێک لە گوندی گردەڕەشە پشێوی و نائارامییان دروست کردبوو، هێزە ئەمنییەکان گەیشتنە شوێنەکە و ئەو کەسانەی دەستیان لە ڕووداوەکە هەبوو بە فەرمانی دادوەر ڕاگیران.
پۆلیسی هەولێر دەڵێت: "ڕێکاری یاسایی بەرامبەر هەر کەسێکی دیکە دەگیرێتە بەر کە بەشداریی لەو ڕووداوەدا کردووە ئەم هەنگاوە بۆ پاراستنی ئۆقرەیی و ڕێگریکردن لە زیانگەیاندن بە سەر و ماڵی هاووڵاتییان و کەرتی گشتیی بووە."
له كۆتاییدا پۆلیسی هەولێر هاووڵاتییان دڵنیا دەکاتەوە کە دۆخەکە لە ژێر کۆنترۆڵدایە، ڕێگا نادرێت هیچ کەسێک زیان بە ئاسایش و دۆخی ئارامیی سنوورەکە و ماڵی هاووڵاتییان بگەیەنێت.
