پێنج هەنگاوی بنەڕەتی بۆ پاراستنی پێست لە سووتانی هاوین

پزیشکان و شارەزایانی بواری تەندروستی هۆشداری دەدەن لە کاریگەرییە نەرێنییەکانی بەرزبوونەوەی پلەکانی گەرما و تیشکی بەتینی خۆر لە وەرزی هاویندا، کە دەبنە هۆی دروستبوونی مەترسیی ڕاستەوخۆ بۆ سەر تەندروستیی مرۆڤ وەک وشکبوونەوەی لەش و سووتانی پێست.

پسپۆڕان جەخت لەسەر گرنگیی گرتنەبەری ڕێوشوێنی خۆپارێزیی پێشوەختە دەکەنەوە بۆ کەمکردنەوەی زیانەکانی تیشکی سەروو ونەوشەیی، بەتایبەتی لەو کاتانەی کە تیشکی خۆر لە لووتکەی بەتینیدایە.

ڕێکخراوی تەندروستیی جیهانی ڕایگەیاندووه‌، پێویستە هاووڵاتییان لە کاتژمێر 10ی بەیانی تا 4ی ئێوارە دووربکەونەوە لە بەرکەوتنی ڕاستەوخۆی تیشکی خۆر، چونکە لەم ماوەیەدا مەترسییەکانی سەر پێست و چاو دەگەنە بەرزترین ئاست. ڕێکخراوەکە ئامۆژگاریی هاووڵاتییان دەکات کە بڕی پێویستی ئاو بخونەوە، جلوبەرگی قوماش سووکی ڕەنگ کاڵ بپۆشن، و بەردەوام کرێمی دژەخۆر و چاویلکەی پارێزەر بەکاربهێنن.

شەپۆلەکانی گەرمای هاوین لە ساڵانی ڕابردوودا بەهۆی گۆڕانی کەشوهەواوە لەسەرانسەری جیهاندا ڕوویان لە زیادبوون کردووە. ئەم گۆڕانکارییە ژینگەییانە وایکردووە کە پابەندبوون بە ڕێنماییە تەندروستییەکان ببێتە پێویستییەکی ڕۆژانە بۆ پاراستنی سەلامەتیی گشتی.