عوسمان گوڵپی: بەکارهێنانی وشەی حوشتر سوکایەتییە بە تەواوی میدیاکاران

چالاکوانێکی دیاری شاری سلێمانی ڕەخنە لە سەرۆکی یەکێتی دەگرێت بەرامبەر سوکایەتیکردنی بە ڕۆژنامەنووسان و دەڵێت: هیچ پاساوێك نییە بۆ ئەم شێوازی قسەکردنەی بافڵ تاڵەبانی.

عوسمان گوڵپی، چالاکوانی شاری سلێمانی لە تۆڕی کۆمەڵایەتی فەیسبووک نووسیویەتی: لە ڕاستیدا نەدەبوو بافڵ تاڵەبانی ئەو دەستەواژەیە بەکار بهێنیت و بۆ ئەو کەمییە نەك بۆ ئەوەی بەرامبەری بەکارهێنا، با بەڕای بافڵ تاڵەبانی پرسیارەکەشی لە جێی خۆیدا نەبووبێت، بەڵام دەیتوانی وەڵام نەداتەوە، دەیتوانی بڵێ کەی کاتی ئەو پرسیارانەیە.

گوڵپی باسی لەوەشکردووە: بەکارهێنانی وشەی حوشتر جنێوە و سوکایەتییە بە تەواوی میدیاکارەکان و هیچ پاساوێك نییە بۆ ئەم شێوازی قسەکردنەی بافڵ تاڵەبانی و نبە ڕۆژنامەنووسان دەڵێت:خۆتان ڕێز بۆ خۆتان و میدیا دابێن باشان ڕێگە بە بێڕێزی کەس مەدەن، خۆ ئەگەر بێڕێزیشتان بەرامبەرکرا ئەوا ئێوەش سنوورێک بۆ مرۆڤی شکێنەر دانێن.

ئەو چالاکوانەی سلێمانی داوا لە ڕۆژنامەنووسان دەکات: بەها بۆ مایکەکانتان دابنێن و حساباتی ورد بۆ پێگەی خۆتان بکەن، وا بکەن لە بەرپرسەکان لە بەردەمتانا بوەستن و قسەتان بۆ بکەن، هەر کەس ڕێزی نەگرتن ڕێزی مەگرن و سنورێك بۆ هەموو ئەوانە دانێن کە ڕێز لە خۆتان و مایکەکانتان ناگرن.

ئەمەش لە کاتێکدایە، ئێوارەی 22ـی حوزەیرانی 2026، بافڵ تاڵەبانی، سەرۆکی یەکێتیی نیشتمانیی کوردستان لەکاتی ئاڕاستەکردنی پرسیارێک لەلایەن ڕۆژنامەنووسێکەوە لە شاری سلێمانی، لێی توڕەدەبێت و سوکایەتی و بێڕێزی پێدەکات، ئەمەش کاردانەوەی زۆری لە نێوەندە میدیاییەکان و ڕای گشتی لێکەوتەوە.