ترهمپ دوای واژۆی ڕێككهوتنهكه: ئاسان نهبوو
بۆچی ترەمپ وتی "ئاسان نەبوو"؟ نهێنییەکانی پشت پەردە.
ترهمپ لە کۆشکی ڤێرسای لە فەرەنسا، واژۆی لەسەر یاداشتی لێکتێگەیشتنی نێوان واشنتۆن و تاران کرد.
ئهمڕۆ له مهراسیمێكدا كه بە ئامادەبوونی ئیمانوێل ماکرۆن، سەرۆکی فەرەنسا و مارکۆ ڕوبیۆ، وەزیری دەرەوەی ئەمریکا بەڕێوەچوو، ترهمپ واژۆی لهسهر ڕێككهوتنێكی 14 خاڵی له نێوان ئهمریكا و ئێراندا كرد و لە کاتی واژۆکردنەکەدا ڕایگەیاند، گەیشتن بەم ڕێککەوتنە کارێکی ئاسان نەبووە.
ئەم ڕێککەوتنە پاش چەندین مانگ لە گرژیی سەربازی و شەڕ دێت کە لە 28ـی مانگی 2ـی ڕابردوو دەستی پێکردبوو. ئامانجی سەرەکی ئەم قۆناغە، کردنەوەی خێرای گەرووی هورمزە کە ڕێڕەوێکی جیهانییە بۆ گواستنەوەی نەوت و غاز.
سەرەڕای ئەم هەنگاوە، ترەمپ هۆشداری دا کە ڕێککەوتنەکە مەرجدارە و ئەگەر تاران پابەند نەبێت، سوپای ئەمریکا دەگەڕێتەوە بۆ بۆردوومانکردنی ناو جەرگەی بنکە و بارەگاکانی ئێران.
بەپێی زانیارییەکان، بڕیارە ڕۆژی هەینی دانوستانە تەکنیکییەکان لە جنێفی سویسرا دەست پێ بکەن.
