ئەنجوومەنی وەزیرانی هەرێم کۆدەبێتەوە
کۆبوونەوەی ئەمرۆی ئەنجوومەنی وەزیران چارەنووسی داهاتی ناوخۆ یەکلا دەکاتەوە.
ئەنجوومەنی وەزیرانی هەرێم بە سەرپەرشتیی مەسرور بارزانی کۆدەبێتەوە، بۆ گفتوگۆکردن لەسەر نەخشەڕێگەی دانوستان لەگەڵ کابینەی نوێی بەغدا و کەمبوونەوەی داهاتی ناوخۆ بەهۆی سیستمی ئەسیکۆداوە.
ئەمڕۆ چوارشەممە ئەنجوومەنی وەزیرانی هەرێمی کوردستان، بە سەرپەرشتیی مەسرور بارزانی، سەرۆکی حکومەتی هەرێم و بە ئامادەبوونی قوباد تاڵەبانی، جێگری سەرۆکوەزیران کۆبوونەوەی ئاساییی خۆی ئەنجام دەدات.
کۆبوونەوەکە تایبەتە بە گفتوگۆکردن لەسەر نەخشەڕێگەیەک بۆ بەردەوامیدان بە دانوستان لەسەر دۆسیە هەڵپەسێردراوەکانی نێوان هەولێر و کابینەی وەزاریی نوێی حکومەتی فیدڕاڵی.
بەپێی ڕاگەیەندراوی فەرمانگەی میدیا و زانیاری، لەم کۆبوونەوەیەدا تیشک دەخرێتە سەر سێ تەوەری سەرەکی؛ پێشنیاری پێکهێنانی دەستەیەکی باڵای وەزاریی هەماهەنگیی هەمیشەیی لە نێوان هەردوو حکومەتی فیدراڵ و هەرێم، تاووتوێکردنی دوا بەرهەم و ئەنجامەکانی دۆسیەی نەوت لەگەڵ بەغدا، پرسی داهاتە ناوخۆییەکان و سیستمی ئەسیکۆدا لە هەرێمی کوردستان.
فەرمانگەی میدیا و زانیاری ئاماژەی بەوە دا، شانبەشانی خستنەڕووی خشتەی داهاتەکان و کاریگەرییەکانی دۆخی ناوچەکە و کەمبوونەوەی داهاتی ناوخۆ بەهۆی یەکلانەکردنەوەی دۆسیەی ئەسیکۆداوە.
