ڕاستی ونبوونی دوو حاجییەکەی کوردستان

حەج و عومرەی کوردستان ئەو دەنگۆیانەی ڕەت کردەوە، کە باس لە ونبوونی دوو حاجیی هەرێمی کوردستان لە فڕۆکەخانەی بەغدا دەکەن.

ئه‌مڕۆ کاروان ستونی، گوتەبێژی فەرمی حەج و عومرەی هەرێم ڕایگەیاند، ئەو دوو حاجییەی لە ڤیدیۆکاندا دەردەکەون سەر بە کاروانەکانی بەغدان و جانتای تایبەت بە حاجییانی عێراقییان پێیە، نەک هی هەرێمی کوردستان.

هەروەها دڵنیایی دا کە هیچ حاجییەکی کوردستانی ون نەبووە و پڕۆسەی گەڕانەوەیان بە شێوەیەکی زۆر باش و ڕێکوپێک بەردەوامە.

گوتەبێژی حەج و عومره‌ داوای لە دەزگاکانی ڕاگەیاندن کرد پێش بڵاوکردنەوەی هەر هەواڵێک، زانیارییەکان لە سەرچاوە فەرمییەکان وەربگرن بۆ ئەوەی ڕاستییەکان وەک خۆیان بگەنە هاووڵاتییان.