باندێکی 3 کەسی بە تۆمەتی دزینی ئاژەڵ دەستگیرکران

مەفرەزەکانی پۆلیسی نەهێشتنی تاوانی سەیدسادق، باندێکی 3 کەسییان بە تۆمەتی دزینی ئاژەڵ دەستگیرکرد.

دەستگیرکردنی ئەم کەسانە دوای ئەوە هات کە هاووڵاتییەک سکاڵای تۆمارکرد کە چەند مانگایەکی لێدزراوە. پۆلیس دوای لێکۆڵینەوە و بەدواداچوون، بە بڕیاری دادوەر توانی هەر 3 تۆمەتبارەکە دەستگیربکات.

تۆمەتباران (ب، م، ع / ه، س، ح / ڕ, ع، ئ) لە ئێستادا بەپێی ماددەی 446 لە یاسای سزادانی عێراقی ڕاگیراون.

به‌پێی زانیارییه‌كان، لە کاتی لێکۆڵینەوەدا، دانیان بەوەدا ناوە کە چەند تاوانێکی تری دزینی ئاژەڵیشیان لە ناوچەکەدا ئەنجامداوە.