پەرلەمانی عێراق لەبارەی سەربازیکردنی ناچاری کۆدەبێتەوە

سەرۆکی پەرلەمانی عێراق لەگەڵ وەزارەتی بەرگری بۆ تێپەڕاندنی یاسای سەربازیکردنی ناچاری رێککەوتووە.

وا بڕیارە پەرلەمای عێراق لە رۆژانی 19، 20، 22 و 23ـی ئەم مانگە کۆببێتەوە و لە کۆبوونەوەکاندا خوێندنەوەی یەکەم بۆ هەشت پێشنیازەیاسا بکرێت، کە لەلایەن لێژنەی ئاسایش و بەرگرییەوە ئامادە کراوە و لە 66 بڕگە پێکدێت، یەکێک لەوانەش خزمەتی سەربازییە.

کۆبوونەوەی پەرلەمانی عێراق لەسەر ئەم پێشنیازەئاسایە لە کاتێکدایە،  15ـی ئەم مانگە، هەیبەت حەلبووسی، سەرۆکی پەرلەمانی عێراق، سەردانی بارەگای وەزارەتی بەرگریی عێراقی کرد و لەگەڵ سوپاسالاری عێراق کۆبووەوە.

لە کۆبوونەوەکەدا گفتوگۆیان لەبارەی خزمەتی سەربازیی ناچاری کرد و بە یەکێک لە بژارە ستراتیژییەکانیان وەسف کرد. ئامانج لەم یاسایە، بەرزکردنی تواناکانی سوپا و دروستکردنی سوپایەکی تۆکمە، دروستکردنی بنکەیەکی مرۆیی رێکخراو و کەمکردنەوەی بێکارییە.