ئەم ڕێگەیە بەکارمەهێنن
هاتووچۆی سلێمانی داوایەک ئاڕاستەی گەشتیاران دەکات
هاتووچۆی سلێمانی شۆفێران لە بەکارنەهێنانی تونێلی پێشڕەو ئاگادار دەکاتەوە و ئاماژە بەوە دەدات، لۆدێکی زۆری لەسەرە.
کەمێک لەمەوبەر بەڕێوەبەرایەتی هاتووچۆ سلێمانی بڵاویکردەوە، داواکارن لە ھاووڵاتییانی لەئێستادا بەرەو تونێلی پێشڕەو نەرۆن و ئەوانەی لەو سنوورەن رێگای شاخ - ئەزمەڕ بەکاربھێنن بەھۆی بوونی ژمارەیەکی زۆری گەشتیاران و درووست بونی لۆدێکی زۆر لە سنووری تونێلی پێشڕەو.
هاتووچۆی سلێمانی ئاماژەی بەوە دا، بەهیوای دوورکەوتنەوە لەدیاردەی پەلەپەلکردن و رۆیشتن لە لەین و سایدی بەرامبەر و پێچەوانەی ئاراستە.
لەکۆتایی ڕاگەیەندراوەکەی هاتووچۆی سلێمانی هاتووە، ئەفسەران و کارمەندانی بنکەی ھاتوچۆی ئەو سنوورە و بازگەگە و چەند مەفرەزەیەک لە بەیانی تاکو ئێستا و دواتریش لە ئەرکدان و سەرقاڵی رێکخستنی ڕەوشی ھاتووچۆن لەو سنوورە.
