یەکێتی بڕیاری خۆی لەبارەی بەشداریکردن لە حکومەت دا

ئەمڕۆ یەکێتی نیشتیمانی کوردستان لە سلێمانی، کۆبوونەوەی مەکتەبیی سیاسیی خۆی بە ئامادەبوونی بافڵ تاڵەبانی، سەرۆکی یەکێتی ئەنجامدا و لە بارەی بەشداری کردن لە حکومەتی هەرێم و عێراق بڕیار دراوە.

کەمێک پێش ئێستا،  مەکتەبی سیاسیی یەکێتیی نیشتیمانی کوردستان لە ڕاگەیاندراوێکدا ناوەڕۆکی کۆبوونەوەکەی ئاشکرا کرد و تێیدا هاتووە، “یەکێتی جارێکی تر تەئکید لەسەر پێویسفی پێکهێنانی حکومەتێکی کارا و خزمەتگوزار دەکاتەوە.”

دەقی ڕاگەیاندراوەکەی مەکتەبیی سیاسیی یەکێتی

‎یەكێتیی نیشتمانیی كوردستان، جارێکی تر تەئیكد لەسەر پێویستی پێكهێنانی حكومەتێكی كارا و خزمەتگوزار و پەرۆش بۆ بەرژوەندییەكانی گەلەکەمان دەكاتەوە.

‎مەكتەبی سیاسیی یەكێتیی نیشتمانیی كوردستان، كە ئەمڕۆ سێشەممە 23/12/2025 بە سەرپەرشتی هەڤاڵ بافڵ جەلال تاڵەبانی، سەرۆكی یەكێتیی نیشتمانیی كوردستان لەدەباشان، كۆبووەوە، بە وردی پرسەكانی پێكهێنانی هەردوو حكومەتی فیدراڵ و حكومەتی هەرێمی كوردستانی تاوتوێكرد.

‎كۆبوونەوەكە، پەیوەست بەپێكهێنانی حكومەتی هەرێم، سووربوونی یەكێتی لەسەر پێكهێنانی حكومەتێكی دادپەروەری خزمەتگوزاری نیشتمانیی نیشاندا؛ لەسەر ئەوبنەمایەش، یەکێتی دەرگای گفتوگۆی بنیاتنەرانەی کراوەیە.

‎هەروەك، لەبارەی پێكهێنانی حكومەتی فیدراڵیش، لەکۆبوونەوەکەی مەکتەبی سیاسیدا، تەئکید کرایەوە لەوەی یەكێتی مەبەستییەتی لەبەغدادیش حكومەتێكی خزمەتگوزاریی نیشتمانیی پێكبهێنرێت.کە تێیدا ماف و شایستە دەستوورییەکانی گەلەکەمان پارێزراوبێت و گوزارشت بکات لە خواستی هەموو پێکهاتەکانی وڵات، ئەمەش لەسۆنگەی تێڕوانیی دروستیی یەکێتییەوەیە، کە بەغداد قوڵایی ستراتیژی هەرێمی کوردستانە. بۆ ئەو مەبەستەش، گفتوگۆ و كۆبوونەوەكانی یەكێتی نیشتمانیی كوردستان، بەردەوامدەبێت، لەگەڵ سەرجەم لایەنەکاندا.

‎مەكتەبی سیاسیی یەكێتیی نیشتمانیی كوردستان
23/12/2025