سەنتەری میترۆ یان سوپەر مارکێتی میترۆ؟!
نووسەرێک ڕەخنە لە سەنتەری میترۆ دەگرێت و دەڵێت: لە بری ئەوەی بەرگری لە رۆژنامەنوسان بکات، ئێستا بووەتە شوێنێکی قازانج ویست و پارە پەرست
وتار؛ ئاکام جەمال، نووسەر و رەخنەگر
سەنتەری میترۆ یان سوپەر مارکێتی میترۆ؟!
سەنتەری میترۆ یان سوپەر مارکێتی میترۆ؟ هیچ کەس نییە حەز نەکات سەنتەرێک لە کوردستان هەبێ بەرگری لە رۆژنامەنوسان بکات بەبێ جیاوازی و دەسەڵات و هەموو لایەک حەزەری لێبکات.
سەنتەری میترۆ لە سلێمانی لە لایەن کۆمەڵێک گەنجەوە بۆ ئەو مەبەستە دروستبوو و سەرەتایەکی باشی هەبوو، بەڵام بەداخەوە لەم چەند ساڵەی کۆتاییدا خەڵک لێی تێکچووە لەگەڵ سوپەرمارکێتی میترۆ، چونکە بووەتە شوێنێکی قازانج ویست و کێ پارەی پێبدات، بە دڵی ئەو قسە دەکات.
کێ کرێ خانووەکەی سەنتەری میترۆ بدات، ئەوە زمانحاڵی ئەوە، کێ زیاتر شتی لێبکرێ ئەوە بەرگری لەو دەکات و کێ زەریبەی لێ وەرنەگرێ ئەوا پشتوانی دەکات.
سەرۆکی رێکخراوی بەرگری لە رۆژنامەنوسانت بینووە لە یەککاتدا وتەبێژی راستەوخۆی سەرمایەدارێک و میدیایەک و حیزبی شیوعی و هەروەها وتەبێژی ناڕاستەوخۆی نێوان مەسولەکانی پارتی و یەکێتی بێت؟
ئەم سەرۆکە، بە یەک هەرەشەش تۆنی قسەکانی دەگۆڕێ و لە هەموو میدیایەک بە دڵی ساحێبەکەی قسە دەکات.
سەنتەری میترۆ جێگەی سوپەرمارکێتی میترۆی گرتوەتەوە کە هەرچەندە داخراوە، بەڵام ناوەکەی هەر ماوە.
