فێستیڤاڵی سه‌ری ساڵ له‌ هه‌ولێر ده‌ست پێده‌كات

به‌بۆنه‌ی هاتنی ساڵی نوێی 2026 له‌ هه‌ولێر یه‌كێك له‌ گه‌وره‌ترین فێستیڤاڵه‌كان به‌رێوه‌ده‌چێت و بۆ ئه‌م مه‌به‌سته‌ش شاره‌وانی شاره‌كه‌ چین و توێژه‌ جیاوازه‌كان ئاگادار ده‌كاته‌وه‌.

ئه‌مڕۆ سێشه‌ممه‌ سه‌رۆكایه‌تی شاره‌وانی هه‌ولێر بڵاویكرده‌وه‌، بەبۆنەی هاتنی ساڵی نوێی 2026 و لە پێناو نیشاندانی سیمایەکی جوانتر و ڕەخساندنی هەلی کار بۆ کوڕان و کچانی شارە خۆشەویستەکەمان، هەڵدەستین بە سازدانی فێستیڤاڵی نمایشكردنی کاڵا و بەرو بوومی بڕاندەکان و کردنەوە و دانانی چەندین کۆشک و کەپر بۆ بەهرەمەندانی دەست ڕەنگین و شێفی خواردنە کوردەوارییەکان لە سەنتەری شار و لە بەردەم قەڵای هەولێر.

له‌ بڵاوكراوه‌كه‌ی سه‌رۆكایه‌تی شاره‌وانی هه‌ولێر ئاماژه‌ به‌وه‌ دراوه‌، خوازیاران و خاوەن بڕاند و بەهرەمەندان ئاگادار دەکەینەوە، بۆ ناو نووسین دەتوانن سەردانی سەرۆکایەتی شارەوانی هەولێر بەشی پلاندانان بکەن لە ماوەی سێ ڕۆژ لە ڕۆژی یەکشەممە 2025/11/30، بۆ ئەوەی سوودمەند بن لە وەرگرتنی کۆشک یاخود کەپر کە بەبێ بەرامبەر دیاری کراوە، تەنیا کرێی هێنان و بردنەوەی کۆشکەکە دەکەوێتە ئەستۆی خوازیارانی بەشداربوو.

به‌گوێره‌ی زانیارییه‌كان، فێستیڤالی سه‌ری ساڵ و ساڵی نوێی 2026 له‌ هه‌ولێر بۆ ماوه‌ی دوو هه‌فته‌ به‌رده‌وام ده‌بێت و له‌ 20ی 12ی 2025 ده‌ست پێده‌كات و له‌ 1ی 1ی 2026 كۆتایی پێدێت.