پلەکانی گەرما بەرزن و کەشەکە بۆ سەیران خۆشە

پله‌كانی گه‌رما هاوشێوه‌ی دوێنێ به‌ به‌رزی ماوه‌ته‌وه‌ و كه‌شه‌كه‌ به‌ته‌واوی بۆ سه‌یران و گه‌شتكردن خۆش و گونجاوه‌.

ئه‌مڕۆ هه‌ینی كه‌شناسی هه‌رێمی كوردستان بڵاویكرده‌وه‌، ئەمڕۆ ئاسمان ساماڵ دەبێت و بەگشتیی نزیک دەبێت لە تۆمارەکانی دوێنێ پێنجشەممە و هیچ گۆڕانکارییەکی ئەوەتۆی نابێت.

له‌ بڵاوكراوه‌كه‌ی كه‌شناسی باس له‌وه‌ كراوه‌، سبەی شەممە، ئاسمان ساماڵ و لە زۆربەی کاتەکاندا هەندێک پەڵە هەوری لەگەڵ دەبێت.

كه‌شناسی ئاشكراشی كردووه‌، گه‌رمیان به‌ تۆمار كردنی 31 پله‌ی سیلیزی گه‌رمترین ناوچه‌ی هه‌رێمی كوردستانه‌ و حاجی ئۆمه‌رانیش به‌ تۆماركردنی 17 پله‌ی سیلزی ساردترین ناوچه‌ی هه‌رێمی كوردستانه‌.