سناپچات و ئەمازۆن لەکار کەوتن

کێشە لە تۆڕەکانی ئەمازۆن دروستبووە و بەهۆیەوە چەندین ئەپ و ڤیدیۆ گەیمی بەناوبانگ لە سەرانسەری جیهان لە کارکەوتن.

ماڵپەڕی داون دیتێکتۆر بڵاویکردەوە، بەشێک لە ئەپلیکەیشن و وێبسایتە گەورەکانی جیهان لەناکاو لە کار کەوتوون، لەوانەش وەک سناپچات، ئەمازۆن، پێرپلێکسیتی و کانڤە، یاری ڤیدیۆی فۆرتنایت و ڕۆبلۆکس، تەنانەت ماڵپەڕ و پێگە ئۆنڵاینییەکانی ژمارەیەک بانکی دیاری بەریتانیا و ئەوروپاش لە کار کەوتوون.

بەگوێرەی پێگەی ئیندیپێندنت، کێشەکە لە خزمەتگوزاریی تۆڕەکانی ئەمازۆن (AWS)  دروست بووە، کە  ژێرخانی ئۆنڵاینی چەندین ماڵپەڕ و ئەپی هەرە دیاری جیهان پێکدێنن.

کۆمپانیای ئەمازۆن لەسەر ئەم کێشەیە هاتە سەر خەت و ڕایگەیاند، کێشە لە سیستمەکانیدا دروستبووە و تێبینی زیادبووونی ئیرۆر (هەڵە)ـەیان کردووە، ئەندازیاران دەستبەجێ هاتوونەتە سەر هێڵ و کاردەکەن بۆ ئەوەی گرفتەکە چارسەر بکەن و لە هۆکارە ریشەییەکەی تێبگەن.

 
نوێدەکرێتەوە...