ژاپۆن پێوانەی خێرایی ئینتەرنێتی شکاند

لە پێشکەوتنێکی زانستی سەرسوڕهێنەردا، توێژەرانی ژاپۆن خێراترین خێرایی ئینتەرنێتیان لە جیهاندا تۆمار کرد، کە دەگاتە زیاتر لە 125,000 گێگابایت لە چرکەیەکدا. ئەم خێراییە نزیکەی 4 ملیۆن جار خێراترە لە تێکڕای ئینتەرنێتی ئەمریکا و لە مەودای نزیکەی 1,800 کیلۆمەتردا بەدەست هاتووە، کە یەکسانە بە نێوان نیویۆرک و فلۆریدا.

ئەم دەستکەوتە بەهۆی پەرەپێدانی جۆرێکی نوێی کێبڵی فایبەرئۆپتیکەوە بەدەست هاتووە، کە 19 تاڵی فایبەرئۆپتیک لە ناو یەک کێبڵیدا لەخۆ دەگرێت. ئەم تەکنەلۆجیایە دواکەوتنی داتا کەم دەکاتەوە، هێزی سیگناڵ بەرز دەکاتەوە و رێگە دەدات زانیاری بە خێرایییەکی بێ‌وێنە بگوازرێتەوە.

تۆمارە نوێیەکە دوو هێندەی ریکۆردی پێشووترە کە نزیکەی 50,000 گیگابایت لە چرکەیەکدا بوو، و ئەمەش وایکردووە ئەم پێشهاتە ببێتە خاڵی وەرچەرخانێکی گەورە لە مێژووی پەیوەندییەکان. سیستەمە نوێیەکە داتاکان لە رێگەی کێبڵەکەوە 21 جار لەسەریەک دەگوازرێتەوە، بەبێ ئەوەی کوالێتییەکەی تێک بچێت، ئەمەش پێشتر لە مەودای دووردا ئەستەم بوو.

ئەم پێشکەوتنە دەرگای سەردەمێکی نوێی پەیوەندی دەکاتەوە، کە دەتوانرێت ژمارەیەکی زۆر فیلم لە چەند چرکەیەکدا داببەزێنرێت، نمایشکردنی ڤیدیۆی 8K بەبێ پچڕان و بەرزکردنەوەی توانای تەکنەلۆجیاکانی وەک شارە زیرەکەکان. لەگەڵ ئەوەش پێشبینی دەکرێت بەکارهێنانی داتا لە جیهاندا لە ساڵانی داهاتوو دوو هێندە زیاد بکات، و ئەم دەستکەوتە بە شێوەیەکی گشتی وەک هەنگاوێکی سەرەکی بەرەو داهاتوویەکی خێراتر و زیرەک‌تر سەیردەکرێت.