لە کوردستانەوە کتێبی زمانی کوردی ڕەوانەی ژمارەیەک وڵات کرا
بە بڕیاری سەرۆکوەزیرانی هەرێمی کوردستان کتێبی زمانی کوردی لە ڕێگەی پۆستەوە ڕەوانەی وڵاتانی ئەوروپی و ئەمریکی کرا
بە بڕیاری سەرۆکوەزیرانی هەرێمی کوردستان کتێبی زمانی کوردی لە ڕێگەی پۆستەوە ڕەوانەی وڵاتانی ئەوروپی و ئەمریکی کرا.
ئەمڕۆ یەکشەممە وەزارەتی پەروەردەی حکومەتی هەرێمی کوردستان بڵاویکردەوە، لەسەر ئەرکی حکومەتی هەرێمی کوردستان لە 3 رۆژی رابردوودا 2 تۆن و 325 کیلۆ کە دەکاتە 8500 کتێبی خوێندنی زمانی کوردی لەلایەن وەزارەتی پەروەردە و لەڕێگەی پۆستەوە دەستکراوە بەناردنیان بۆ ژمارەیەک لە قوتابخانەکانی خوێندنی کوردی.
بەگوێرەی ڕاگەیەندراوەکە، کتێبەکان نێردراون بۆ سویسرا، نەرویج، ئێرلەندا، ئەڵمانیا، بەریتانیا، کەنەدا و وڵاتە یەکگرتووەکانی ئەمریکا.
وەزارەتی پەروەردە جەخت لەوەدەکاتەوە، لەسەر فەرمانی سەرۆکوەزیران مەسرور بارزانی بەڕێوەبەرایەتی خوێندنی دەرەوەی وڵاتمان لە وەزارەتی پەروەردەی حکومەتی هەرێمی کوردستان کردەوە بۆ خزمەتکردنی منداڵانی کورد لە تاراوگە و هاوبەشیەکی پتەومان لەگەڵ کۆنفیدراسیۆنی ڕەوەندی کوردستانی دامەزراندووە.
