ئەو منداڵە 9 ساڵانەی لەلایەن ئاسایشەوە تەقەی لێکرا گیانی لەدەستدا

بەهۆی هەڵەتێگەیشتنێکەوە، هێزە ئەمنییەکان لە بازگەیەکی سنووری چەمچەماڵ ماڵباتێکی کوردیان گوللەباران کرد و مندالەکەیان کوژرا.

دوای ئەوی هەفتەیەک لەمەوبەر لە بازگەی مەقان، شۆفێرێکی ئۆتۆمبێل کە لە چەمچەماڵەوە لەگەڵ هاوژین و کوڕەکەی بەرەو کەرکووک دەگەڕایەوە، ناسنامەی پێ نەبووە و لە بەرامبەردا ساڵیانەی ئۆتۆمبێل - یان وەکالەی داوە، بەڵام گرژی و دەمەقاڵی لە نێوان شۆفێرەکە و هێزئەمنییەکان دروستبووە.

بە گووتەی شۆفێرەکە، دواتر کەمێک لە بازگەکە دوورکەوتووەتەوە و هەوڵی داوە لە بازگەکە تێپەڕێ و بوەستێت، بەڵام بەهۆی "هەڵەتێگەیشتنەوە" لەگەڵ دوورکەوتنەوەی ئۆتۆمبێلەکە لەلایەن ئاسایشەکانەوە دراوەتە بەر گوللە و لە ئەنجامدا هاوژین و کوڕی شۆفێرەکە بە سەختی بریندار دەبن، ئەمڕۆ کوڕە 9 ساڵانەکەی بەهۆی سەختی برینەکەیەوە لە نەخۆشخانە گیانی لەدەستدا.

شوێنی ڕووداوەکە لە ڕێگەی ئەم لینکەوە ببینە: https://t.me/PaytaxtMedia/19770?single