تەندروستی شاسوار عەبدولواحید لە زیندان چۆنە؟

وتەبێژی نەوەی نوێ و میدیای نزیک لە شاسوار عەبدولواحید سەرۆکی جووڵانەوەی نەوەی نوێ ڕایانگەیاندووە، دۆخی تەندروستیی شاسوار عەبدولواحید لە زیندان تێکچووە و تەندروستیی ناجێگیرە. 

دوای ئەوەی لە چەند ڕۆژی ڕابردوودا شاسوار عەبدولواحید سەرۆکی جووڵانەوەی نەوەی نوێ بە فەرمانی دادگا دەستگیر کرا، ئەمڕۆ هیمداد شاهین وتەبێژی جووڵانەوەکە و میدیای نزیک لە سەرۆکی نەوەی نوێ بڵاویانکردووەتەوە، دۆخی تەندروستیی شاسوار عەبدولواحید لە زیندان تێکچووە و جێگیر نییە. 

میدیای نزیک لە سەرۆکی جووڵانەوەی نەوەی نوێ زانیاریی لەبارەی هۆکاری تێکچوونی تەندروستیی ناوبراوەوە بڵاو نەکردووەتەوە و هیچ  زانیارییەک لەمبارەیەوە ئاشکرا نەکراوە، تاوەکو ئێستاش هیچ بەرپرس و لایەنێکی پەیوەندیدار لەمبارەوە زانیارییان بڵاو نەکردووەتەوە.