سەرۆکوەزیران پەیامێک ئاڕاستەی سەرۆک بارزانی و خەڵکی کوردستان دەکات

مەسرور بارزانی وەک جێگری سەرۆکی پارتی دیموکراتی کوردستان، لە ساڵڕۆژی دامەزراندنی پارتی و ڕۆژبوونی سەرۆک بارزانی، پەیامێک ئاڕاستەی خەڵکی کوردستان و سەرۆک بارزانی دەکات

دەقی پەیامەکەی:

جەژنی لە دایکبوونی باوک و سەرۆک و ڕابەر و پێشمەرگەی کوردستان و ساڵڕۆژی دامەزراندنی پارتی دیموکراتی کوردستان لە هەموومان و بە تایبەتی لە بنەماڵەی سەربەرزی شەهیدان و پێشمەرگە قارەمانەکان پیرۆز بێت. ئاواتەخوازم خوای گەورە بتانپارێزێت و تەندروست بن.
خوزگە هەموومان دەمانتوانی لە ئاستی گەورەیی جەنابت خزمەت بکەین. 
بەلێن بێت ڕێباز و فەرمان و دید و بوچوونەکانی جەنابت بۆ کوردستانێکی ئازاد و ئارام و سەقامگیر و خۆشگوزەران و دادپەروەر، بکەینە بەرنامەی کاری ڕۆژانە و ئەرکی نیشتیمانی خۆمان.  
هەر بمێنیت بۆمان و هەر لە لوتکەی سەرکەوتندا بیت  و پارتیش هەر لە پێشکەوتن و سەرکەوتنی بەردەوامدا بێت.

مەسرور بارزانی
جێگری سەرۆکی پارتی دیموکراتی کوردستان