هێرشێکی چەکداری کرایە سەر بنکەیه‌كی پۆلیسی ئێران
دەستڕێژی گولـلە کرایە سەر بنکەیەکی پۆلیس لە شارێکی ئێران
لە هێرشێكی چەکداریدا بۆ سەر بنکەیه‌كی پۆلیسی ئێران 4 کەس کوژران.
ئەمڕۆ یەکشەممە، ئاژانسی هەواڵی تەسنیمی ئێرانی ڕایگەیاند، بنکەیەکی پۆلیسی شاری سەراوانی باشووری ڕۆژهەڵاتی ئێران لەلایەن گرووپێکی چەکداری هێرشی کرایەسەر و بەهۆیەوە 4 کەس کوژران.
ئەو کەسانەی کوژراون، 3 لە چەکدارە هێرشبەرەکان بوون و لەگەڵ کوژرانی ئەفسەرێکی ئەمنیی و برینداربوونی پۆلیسێک، هاوکات 2 کەسیش دەستگیر کراون.
بە گوێرەی زانیاری میدیاکانی ئێران، گومان دەکرێت هێرشبەرەکەکان سەر بە گرووپی ئۆپۆزیسیۆنی جەیش ئەلعەدل بن، بەڵام تاوەکو ئێستا پشتڕاست نەکراوەتەوە و هاوکات مانگی ڕابردووش, گروپی "جەیش ئەلعەدل" به‌رپرسیارێتی هێرشێكی چه‌كداری بۆ سه‌ر باڵه‌خانه‌یه‌ك گرته ئه‌ستۆ كه لانیكه‌م 8 كه‌س له هێزه ئه‌منییه‌كانی ئێران كوژران و ژماره‌یه‌كیش برینداربوون.
