شاهۆ نەجم کەرکووکی شەهیدکردنی دوو گەنجە کوردەکەی ناحیەی پردێ لە ئۆپراسیۆنێکی دژەتیرۆری عێراق بە ڕەفتارێکی نەگریس و ترسنۆکانە ناو دەبات.
ئەمڕۆ شاهۆ نەجم کەرکووکی بڵاویکردەوە، ئۆپراسیۆنەکە بە شێوەیەکی هەرەمەکی و دوور لە تەکنیکی سەربازی ئەنجام دراوە و ڕەخنە لە مامەڵەکردنی ئەو هێزە دەگرێت کە بە هاوشێوەی بەرەی جەنگ ڕەفتاریان لەگەڵ شوێنێکی تەواو سڤیلدا کردووە.
شاهۆ نەجم کەرکووکی داوا لە لایەنە ئەمنییەکانی کەرکووک، بەرپرسان و پەرلەمانتارانی پارێزگاکە دەکات، بەدواداچوونی ورد و بەپەلە بۆ ئەم ڕووداوە بکەن و ڕێگە نەدەن بە ئاسایی تێپەڕێت.
لە کۆتاییدا شاهۆ نەجم کەرکووکی وێڕای دەربڕینی هاوخەمی بۆ دانیشتووانی ناحیەی پردێ و خانەوادەی دوو گەنجەکە، سەرەخۆشیی خۆی ئاڕاستەی بنەماڵەکانیان کرد.
لە ڕۆژی 27ی ئەیلوولی 2026، هێزەکانی دژەتیرۆری عێراق بە گومانی هەبوونی چەکدارانی داعش، ئۆپراسیۆنێکیان لە ناحیەی پردێ ئەنجامدا و هەڵیانکوتایە سەر مارکێتێک، لە ئەنجامدا دوو گەنجی کورد بە ناوەکانی 'موڕاد زانا و محەممەد هێمن' بە هەڵە تەقەیان لێکرا و شەهید کران.
