سەرۆکوەزیرانی هەرێمی کوردستان پێشوازی لە نوێنەرێکی باڵای دیپلۆماسی کرد و پشتیوانی تەواو بۆ ئەرکە نوێیەکەی دەبڕی.
ئەمڕۆ سەرۆکوەزیران مەسرور بارزانی پێشوازی لە ئاکسل ڤێش، باڵیۆزی نوێی ئۆستریا (نەمسا) کرد و هەموو پشتیوانییەکی هەرێمی کوردستانی بۆ سەرخستنی ئەرکەکەی دووپات کردەوە، لە دیدارەکەدا، جەخت لەسەر پەیوەندی و دۆستایەتی لەمێژینەی نێوان هەردوولا کرایەوە.
باڵیۆزی نوێی ئۆستریا، خواست و ئارەزووی وڵاتەکەی بۆ پەرەپێدانی پەیوەندییە دووقۆلاییەکان لەگەڵ هەرێمی کوردستان لە بواری جۆراوجۆردا نیشاندا، لەمیانی کۆبوونەوەکەدا، هەردوولا دوایین گۆڕانکاری و پەرەسەندنەکانی بارودۆخی گشتی ناوچەکەیان تاوتوێ کردووە.
ئەم پەیوەندییە دیپلۆماسییە نوێیانە لە چوارچێوەی بەهێزکردن و فراوانکردنی هاوکارییە نێودەوڵەتییەکانی هەرێمی کوردستان لەگەڵ وڵاتانی ئەوروپادا دێن، کە گرنگییەکی تایبەتیان هەیە بۆ ئاڵوگۆڕی بازرگانی و فەرهەنگی و سیاسی.
