هاوکاری هاوپەیمانان بۆ مانگی 7 دابەش دەکرێت

دوای ئەنجامدانی رێکارە دارایى و ژمێریارییەکان لەلایەن بەریوەبەرایەتى گشتى بوودجە و بەرنامەکان (ژمێریارى سەربازى)، وەزارەتی پێشمەرگە دابەشکردنی هاوکاریی هاوپەیمانەکانی ڕاگەیاند.

ئەمڕۆ سێ شەممە، وەزارەتی پیشمەرگە ڕایگەیاند،  هاوکاریی دارایی هاوپەیمانان بۆ مانگى 7 تەمویلی وەزارەتی پێشمەرگە کرا و ڕۆژی پێنجشەممەی داهاتوو، کە دەکاتە، 7ـی 8ـی 2025، دابوەش دەکرێت.

لە ڕاگەیەندراوەکەدا هاتووە، لەم مانگەدا، نزیکەی 74 هەزار ئەفسەر و پلەدار و پێشمەرگە بە سیستەمی پڕۆژەی هەژماری من هاوکاری هاوپەیمانان وەردەگرن، ئەوانەی تریش لە رێگەی سیستەمی بانکیەوە هاوکارییەکان وەردەگرن.

هاوکات ئاگاداری هەمووان دەکەنەوە، کە دەرباەی هەر زانییارییەک تایبەت بە هێزی پێشمەرگە، تەنها ماڵپەری فەرمی و سۆشیال میدیا و پلاتفۆرمەکانی وەزارەتی پێشمەرگەیە.

جێی باسە، وەکو پشتیوانییەک بۆ یەکخستنەوەی هێزەکانی پێشمەرگە، هاوپەیمانان مانگانە نزیکەی 25 ملیۆن دۆلار دەدەنە وەزارەتی پێشمەرگە.