تەنیا لە ماوەی 2 ڕۆژدا 7 کەس خنکان

لە دوێنێوە ڕووداوی خنکان بەڕێژەیەکی بەرچاو بەرزبووەتەوە، کە 7 کەس لە نێو ئاوی ناوچە جیاوازەکانی هەرێمی کوردستاندا خنکاون.

دوێنی بەڕێوەبەرایەتی بەرگری شارستانی پارێزگای هەولێر بڵاویکردەوە، کە هاووڵاتییەکی تەمەن 35 ساڵان لە کاتی مەلەکردن لە زێی گەورە خنکاوە.

ئەمڕۆ دووشەممە بەگوێرەی زانیارییەکانی پەیامنێری پایتەخت میدیا کە لە شوێنی رووداوەکە بوو 4 کەس لە نێو ئاوی لە رووباری خازر لە گوندی کانیلانی سنووری بەردەڕەش خنکان.

کەمێک پێش ئێستاش، 2 کەس لەکاتی مەلەکردندا لە گۆماوی پۆند گوندی پریسی سەر بە پارێزگای هەڵەبجە خنکان.