ماوەی خۆ تۆمارکردن لە پسوولەی خۆراک بە خۆرایی درێژکرایەوە

دووبارە ماوەی خۆ تۆمارکردن لە پسوولەی خۆراک بە خۆرایی درێژکرایەوە و ئاگاداری هاووڵاتییانیش دەکرێتەوە.

ئەمڕۆ یەکشەممە، نوزاد شێخ کامل بەڕێوەبەری گشتی بازرگانی راگەیاند، دوای گفتوگۆ لەگەڵ وەزارەتی بازرگانی عێراق، وەزیری بازرگانی عێراق  ڕەزامەندی دەربڕی لەسەر درێژکردنەوەی ماوەی خۆتۆمارکردن و نوێکردنەوەی پسوولەی خۆراک بە شێوازی ئەلیکترۆنی تاوەكو  25ـی 8ـی 2025  بەبێ بەرامبەر، دوای ئەم وادەیەش ڕێکاری تر وەردەگیرێت بۆ قۆناغی دووەم.

هاوکات هاووڵاتییان ئاگادار دەکرێنەوە، کە ئەمە دوا وادەیە و ئەو هاووڵاتییانەی بەهەر بیانووێک خۆیان تۆمار نەکردووە، ئەم دەرفەتە لەدەست نەدەن و لەو ماوەیەدا هەر گرفتێکیان هەبووە چارەسەری بکەن و خۆیان تۆمار بکەن، چونکە بە پێچەوانە بەشە خۆراکەکانیان ڕادەگیرێت تا فۆرمەکە پڕ دەکەنەوە.

جێی باسە تاوەکو ئێستا ڕێژەی بەشداریکردن لە سەر ئاسی هەرێمی کوردستان بە گشتی 83%ـی تێپەڕاندووە و لە پارێزگاکانیش بەم شێوەیەیە:

لە هەڵەبجە: 88%
سلێمانی: 83%
هەولێر: 84%
دهۆک: 79%

ئەمە لە کاتێکدایە، هەر دوێنێ شەممە، سیامەند نانەکەلی، بەڕێوەبەری پسووڵەی خۆراکی هەولێر بە پایتەخت میدیای راگەیاند، سبەی کۆتا وادەیە بۆ پڕکردنەوەی فۆڕمی ئەلیکترۆنی پسووڵەی خۆراک بەڵام بەڵێندراوە سیتمەکە بەکراوەیی بمێنێتەوە و دانەخرێت، وە لە دوای 31ــی 8ەوە فۆڕمی پڕکردنەوەی پسووڵەی خۆراک دەبێتە پارە و تەنانەت لە مانگی 9 مامەڵەی هاووڵاتییانیش دەکرێتەوە.