هەناردەی نەوتی عێراق بۆ ئەمریکا کەمتر دەبێتەوە 

هەناردەکردنی نەوت لە عێراقەوە بۆ ئەمریکا بە شێوەیەکی بەرچاو ڕووی لە دابەزین کردووە. 

ئەمڕۆ یەکشەممە وەزارەتی وزەی ئەمریکا لە ڕاگەیەندراوێکدا بڵاویکردەوە، لەماوەی یەک هەفتەی ڕابردوودا هاوردەی نەوت لە عێراقەوە کەمی کردووە، بەشێوەیەک کە لە هەناردەکردنی ڕۆژانەی 273 هەزار بەرمیلەوە، هەناردەی نەوتی عێراق بەڕێژەی 59 هەزار بەرمیل کەمیکردووە. 

ئەمریکا یەک لەو وڵاتانەیە، کە ڕۆژانە لە چەندین وڵاتی جیهانەوە نەوت هاوردە دەکات و عێراقیش یەکێک لەو وڵاتانەیە، کە نەوت بە ئەمریکا دەفرۆشێت، بەڵام ئیدارەی وزەی ئەمریکا ڕایگەیاندووە، هاوردەکردنی نەوت لە عێراقەوە کەمی کردووە و ئەمەش دەتوانێت زیانی بەرچاو بە ئابووری عێراق بگەیەنێت.