له كهركووك پشوو ڕاگهیهنرا
بهمهبهستی زۆرترین ڕێژهی بهشداریكردن له مهراسیمی به خاكسپاردنی عهلی خامنهیی، له پارێزگای كهركووك ڕۆژێك پشوو ڕاگهیهنرا.
بڕیاری پشووی فەرمی لە سەرجەم دامودەزگاکانی پارێزگای کەرکووک بۆ ڕۆژی چوارشەممەی داهاتوو درا. ئەم هەنگاوەی ئیدارەی خۆجێیی شارەکە بە مەبەستی ڕەخساندنی دەرفەتە بۆ هاوڵاتییان تاوەکو بەشداری لە چەند مەراسیمێکی ئایینی و کۆمەڵایەتیدا بکەن کە بڕیارە لە سنووری پارێزگاکە ئەنجام بدرێن.
ئەمڕۆ ئاژانسی هەواڵی عێراقی بڵاوی کردەوە، محەممەد سەمعان ئاغا پارێزگاری کەرکووک فەرمانی کردووە بە پەکخستنی دەوامی فەرمی لە سەرجەم دامەزراوە و فەرمانگەکانی پارێزگاکە بۆ ڕۆژی چوارشەممەی داهاتوو. ئەم بڕیارە هەموو کەرتە حکومییەکان دەگرێتەوە و وەک ئامادەکارییەک بۆ بۆنە چاوەڕوانکراوەکان هەژمار دەکرێت.
بەپێی ڕاگەیەندراوی نووسینگەی پارێزگار، ئەم پشووە بۆ ئەوەیە دانیشتووانی کەرکووک بتوانن بەشداری لە مەراسیمی بەخاکسپاردنی عەلی خامنەیی بکەن. هەروەها بەشێکی تری مەبەستی بڕیارەکە پەیوەستە بە ئامادەکاری بۆ یادکردنەوەی شەهیدبوونی ئیمام زەینولعابیدین کە بڕیارە لە قەزای داقوق بەڕێوە بچێت.
پارێزگاری کەرکووک ئاماژەی بەوەش کردووە، ئەم کۆبوونەوە و بەشدارییە جەماوەرییە پەیامێکی گرنگی تەبایی و هاوپشتیی نێوان هەموو پێکهاتەکانی کەرکووکە. ئامانج لێی نیشاندانی یەکڕیزیی شارەکەیە لە ئاست ئەو بۆنە و یادانەی کە لایەنی ئایینی و مرۆیی لەخۆ دەگرن.
وا بڕیاره ڕۆژی چوارشەممە، تەرمی عهلی خامنهیی، ڕێبهری پێشووی ئێران بە فڕۆکە بگەیەنرێتە عێراق، تاوەکو لەلایەن هاووڵاتییانی عێراقەوە لە شارەکانی نەجەف و کەربەلا مەراسیمی ماڵاوایی بۆ ڕێک بخرێت.
