حاجییەک دوای گه‌ڕانه‌وه‌ی گیانی له‌ده‌ستدا

بەیانی ئەمڕۆ هاوڵاتییەک لە قەزای کفری بە ناوی حاجی قادر کەریم بەهۆی سەختی برینەکەیەوە کۆچی دوایی کرد، دوای ئەوەی تەنها 1 ڕۆژ لەمەوبەر لە فەریزەی حەج گەڕابووەوە.

بەپێی زانیارییەکان، ئەم حاجییە لە ڕێکەوتی 9ی حوزەیرانی 2026 لە وڵاتی سعودییە گەڕاوەتەوە بۆ ناو خێزانەکەی، بەڵام تەنها ڕۆژێک دوای گەڕانەوەی و لەسەر ڕێگای کەلار - کفری تووشی ڕووداوێکی سەختی هاتووچۆ بووە.

سەرچاوە پزیشکییەکان ئاماژە بەوە دەدەن، کە ناوبراو بەهۆی ڕووداوەکەوە برینەکەی زۆر قورس بووە و سەرەڕای هەوڵە پزیشکییەکان، بەیانی ئەمڕۆ لە نەخۆشخانە گیانی سپارد.