گەنجێک لە ڕووباری سیروان خنکا

کەمێک پێش ئێستا گەنجێکی تەمەن 26 ساڵ لە ڕووباری سیروان خنکا و بەرگری شارستانی گەرمیان لە هەوڵێکی چڕوپڕدان بۆ دۆزینەوەی تەرمەکە.

ئەمڕۆ چوارشەممە ئیبراهیم محەممەد، گوتەبێژی بەرگری شارستانی گەرمیان بە پایتەخت میدیای ڕاگەیاند و گوتی: "لە ڕووباری سیروان گەنجێک کە موالیدی 2000ـە خنکاوە و تاوەکو ئێستا ئاسەواری دیار نییە".

گوتەبێژی بەرگری شارستانی گەرمیان ئاماژەی بەوەش کرد، کە ئۆپەراسیۆنی گەڕان لەلایەن تیمە پسپۆڕەکانەوە بەردەوامە و گوتی: "هەموو تواناکانمان خستووەتە گەڕ و تیمەکانمان لە گەڕان و پشکنینیان لەناو ڕووبارەکەدا ناوەستن تاوەکو تەرمی گەنجەکە نەدۆزینەوە".