حاجیانی کوردستان دهگهنه کێوی عەرەفە
حاجیانی هەرێم چەند کاتژمێرێکیان ماوە بۆ گەیشتن به کێوی عەرەفە.
ئەمشەو حاجیانی هەرێمی کوردستان دەگەنە کێوی عەرەفە بۆ بەجێگەیاندنی گرنگترین و سەرەکیترین ڕوکنی پڕۆسەی حەج کە ئەویش مانەوەیە لەو کێوە پیرۆزە.
ئهمڕۆ دووشەممە کاروان ستوونی، گوتەبێژی فەرمی حەج و عومرەی کوردستان ڕایگەیاند، ئهمڕۆ حاجیانی کوردستان گەشتی خۆیان بەرەو کێوی عەرەفە دەست پێکردووە بۆ ئەوەی سبەی لە کەشێکی ئارامدا خەریکی نزا و پاڕانەوە بن.
ناوبراو ئاماژەی بەوە کرد، بە چاودێری ڕاستەوخۆی مەسرور بارزانی، سەرۆکی حکومەتی هەرێمی کوردستان، شوێنێکی تایبەت و پڕ لە خزمەتگوزاری بۆ مانەوەی حاجیانی هەرێم لە کێوی عەرەفە دابین کراوە.
گوتەبێژی حەج و عومرە دڵنیایی دایە کەسوکاری حاجیان کە دۆخی تەندروستی هەمووان زۆر باشە و تا ئێستا هیچ حاڵەتێکی مردن لە نێویاندا تۆمار نەکراوە.
وەزارەتی ئەوقاف و کاروباری ئایینی تەواوی پێداویستییەکانی وەک خواردن، خواردنەوە و ساردەمەنی بەبێ بەرامبەر لەوێ ئامادە کردووە.
لە کۆتاییدا داوا لە حاجیان کراوە لە کاتی مانەوەیان لە کێوی عەرەفە دوعای خێر بۆ گەلی کورد و پاراستنی ئارامی هەرێمی کوردستان بکەن.
جێی باسە بۆ ئەمساڵ 5120 کەس لە کوردستانەوە گەیشتوونەتە سعوودیە کە پێکدێن لە 2752 پیاو و 2368 ئافرەت.
