هەواڵگریی ئیسرائیل هۆشداری لە هێرشی ئێران دەدات
ئێران هێرشی پێشوەختە دەکات؟ ئەوەی هەواڵگری ئیسرائیل دەیزانێت.
هەڵسەنگاندنە هەواڵگرییەکانی ئیسرائیل هۆشداری دەدەن لە ئەگەری ئەنجامدانی هێرشێکی لەناکاوی موشەکی و فڕۆکەی بێفڕۆکەوان لەلایەن ئێرانەوە بۆ سەر ئیسرائیل و وڵاتانی کەنداو.
ئهمڕۆ ڕۆژنامەی ئۆرشەلیم پۆست بڵاویکردەوە، هۆشدارییهكه دوای کۆبوونەوەی یسرائیل کاتز، وەزیری بەرگری و بەرپرسانی باڵای سەربازی ئیسرائیل هاتووە، چونكه ئیسرائیل ترسی هەیە تاران پێش هەر هەنگاوێکی نوێی ئەمریکا، هێرشێکی پێشوەختە ئەنجام بدات بۆ گۆڕینی هاوسەنگیی هێز لە ناوچەکەدا.
لەم چوارچێوەیەدا، سەرۆکی ئەرکانی ئیسرائیل و فەرماندەکانی هێزی ئاسمانی لەگەڵ هاوتا ئەمریکییەکانیان لە پەیوەندیدان بۆ هەماهەنگی هەر وەڵامدانەوەیەک.
ئەم ئاڵۆزییانە لە کاتێکدایە کە ناکۆکی لە نێوان دۆناڵد ترەمپ و بنیامین نەتەنیاهۆ هەیە لەسەر بژاردەی سەربازی یان دانوستان لەگەڵ تاران.
