ناسنامەی تەواوی ئەو کەسانەی لە سنوور دۆزراونەتەوە

لە دەوروبەری گوندی بووبەڕەش بە دووری 7 کیلۆمەتر لە ناحیەی حاجی ئۆمەران، ڕووفاتی 3 سەربازی سوپای عێراق دۆزرانەوە کە مێژووەکەیان بۆ جەنگی هەشتاکانی سەدەی ڕابردوو دەگەڕێتەوە.

به‌پێی زانیارییه‌كان، هاووڵاتییەک لەکاتی کۆکردنەوەی کوارگ و ڕێواس لەنێو کێڵگەیەکی میندا ئەم تەرمانەی دۆزیوەتەوە. بەپێی مەدالیا سەربازییەکانی ملیان، ناسنامەکانیان ئاشکرا کراوە کە بریتین لە: مووسا یونس وەهاب، ئەحمەد شوکری خدر و سادق محەممەد مستەفا.

لە ئێستادا تەرمەکان لە شوێنێکی پارێزراو نێژراونەتەوە تا ئەو کاتەی کەسوکاریان دەردەکەون.

جێی باسە ئەو ناوچەیە بەهۆی بوونی مین و نزیکی لە سنووری ئێران، شوێنێکی مەترسیدارە و بانگەواز لە کەسوکاریان دەکرێت سەردانی ناوچەکە بکەن بۆ وەرگرتنەوەی ڕووفاتەکان.