هەڵمەتی گرتنی سەگی بێلانە دەستیپێکردەوە

 
لە چوارچێوەی هەوڵەکانی شارەوانی و لایەنە پەیوەندیدارەکان، هەڵمەتێکی بەرفراوان بۆ گرتنی سەگی بێلانە دەستیپیکردەوە.

 سبەی چوارشەممە، لەپێناو پاراستنی سەلامەتیی گیانی هاووڵاتییان، هەڵمەتێکی بەرفراوان بۆ گرتنی سەگی بێلانە لە سنووری قەزای پیرمام دەستپێدەکات.

 
بەپێی زانیارییەکان تەواوی ئەو سەگانەی لە ناوچەکەدا کۆدەکرێنەوە، دەگوازرێنەوە بۆ ئەو شێڵتەرانەی کە پێشتر بۆ ئەم مەبەستە تەرخانکراون، ئامانجی سەرەکیی هەڵمەتەکە بنبڕکردنی دیاردەی بڵاوبوونەوەی سەگی بێلانەیە لەناو گەڕەک و شوێنە گشتییەکاندا، بە شێوازێکی تەندروست و شارستانی کە ژیانی ئاژەڵەکانیش بپارێزرێت.