پارتی پەرلەمانی کوردستان کارا دەکاتەوە
پارتی دیموکراتی کوردستان دەستی بە هەوڵەکانی بۆ پێکهێنانی کابینەی دەیەمی حکومەتی هەرێمی کوردستان کردووە.
پارتی دیموکراتی کوردستان هەوڵەکانی بۆ کاراکردنی پەرلەمانی کوردستان دەستپێکردووە و بە نوسراوی فەرمی کە ئاڕاستەی ئەنجوومەنی شوڕای هەرێمی کوردستان کراوە، داوای چۆنیەتی و رێکاری کاراکردنی پەرلەمانی کردووە.
بەپێی زانیارییەکانی پایتەخت میدیا، لە چەند رۆژی ڕابردوو پارتی دیموکراتی کوردستان بە نوسراوی فەرمی کە ئاڕاستەی ئەنجوومەنی شوڕای هەرێمی کوردستان کراوە، داوای رێگاکان و چۆنیەتی کاراکردنی پەرلەمانی کوردستانی کردووە و ئەوانیش بە ئەرێنی وەڵامیان داوەتەوە.
پایتەخت زانیویەتی کە ئەنجوومەنی شوڕای هەرێم بەمشێوەیە وەڵامی داوەتەوە: تاوەکو ئێستا تەنها 97 پەرلەمانتار سوێندی یاساییان خواردووە، بۆیە دەنگی زۆرینە لە پەرلەمانی کوردستان دەنگی 49 پەرلەمانتار دەبێت و ئەگەر بێتوو هەر بڕیارەک 49 دەنگ بهێنێت، ئەوا پەسند دەکرێت و پەرلەمانی کوردستان دەتوانێت کارەکانی خۆی بە ئاسایی و یاسایی ئەنجام بدات.
بەپێی زانیارییەکانی پایتەخت میدیا، پارتی دیموکراتی کوردستان دەستی بە هەوڵەکانی بۆ پێکهێنانی کابینەی دەیەمی حکومەتی هەرێمی کوردستان کردووە و یەکێتیش ئاوت کردووە.
