بەهۆی کێشەی کۆمەڵایەتی دوو کەس کوژران و کەسێک بریندارە
شایەتحاڵێک بە پایتەخت میدیای ڕایگەیاند، لە بەردەم بەڕێوەبەرایەتی پۆلیسی قوشتەپە شەڕە تەقە ڕوویدا و کوژرا و برینداری لێکەوتەوە.
بەیانی ئەمڕۆ لە قوشتەپە بەهۆی کێشەی کۆمەڵایەتی، دەسترێژی گوللە لە سێ کەس کرا، بەوهۆیەوە دوو کەس کوژراون و کەسێک بریندارە.
سەرچاوەیەکی تایبەت لە شوێنی ڕووداوەکە بە پایتەخت میدیای ڕاگەیاند، دوای 9 مانگ لە کێشەیەکی کۆمەڵایەتی، ئەمڕۆ لایەنێک چووەتە دادگای قوشتەپە لە بەڕێوەبەرایەتی پۆلیسی ئەو قەزایە و دوای هاتنە دەرەوەیان، لە لایەن لایەنی دووەم دەسترێژی گوللەیان لێ کراوە.
شایەتحاڵەکە بە پایتەخت میدیای ڕاگەیاند، تاوەکو ئێستا دوو کەس کوژراون و کەسێکی دیکەش بە سەختی بریندارە، ئێستا کوژراوەکان بۆ پزیشکی دادی لە هەولێر دەگوازرێنەوە.
بەپێی زانیارییەکانی پایتەخت میدیا، ئەم رووداوە بەهۆی کێشەیەکی کۆمەڵایەتی بووە و نزیکەی ساڵێکە چارەسەر نەکراوە، تاوەکو بووە هۆکاری روودانی ئەم ڕووداوە.
