نرخی بەنزین دادەبەزێت
لە ماوەیەکی نزیکدا نرخی بەنزین بە هەموو جۆرەکانییەوە دادەبەزێت
جەنگی ئەمریکا و ئێران کۆتایی دێت و لە ماوەیەکی نزیکدا نرخی بەنزین بە هەموو جۆرەکانییەوە دادەبەزێت.
ئەمڕۆ چوارشەممە سالار محەممەد، لێپرسراوی پشکنین و بەدواداچوون لە بەڕیوەبەرایەتیی نەوت و کانزاکانی هەولێر بە پایتەخت میدیای ڕاگەیاند، لەگەڵ وەستانی جەنگ دۆخی غاز و بەنزین ئاسایی دەبێتەوە، لە ئێستادا ڕۆژانە بەنزینی 750 دیناری دابەش دەکرێت.
لێپرسراوی پشکنین و بەدواداچوون لە بەڕیوەبەرایەتیی نەوت و کانزاکانی هەولێر ڕوونیکردەوە، ژمارەیەک کێڵگە بەهۆی بارودۆخی جەنگ لە بەرهەمهێنان وەستابوون بەڵام بە نزیکەی هەفتەیەک دۆخی بەنزین و غاز ئاسایی دەبێتەوە.
سالار محەممەد دووپاتی کردەوە، نرخی سەرجەم جۆرەکانی بەنزین(محەسەن، نۆڕماڵ،سوپەر) لە چەند ڕۆژی داهاتوو لەگەڵ دەستپێکردنەوەی بەرهەمهێنانی کێڵگەکان دادەبەزێت.
