تاقیکردنەوەکانی زانکۆی سەڵاحەدین دواخران

سەرجەم تاقیکردنەوەکانی زانکۆی سەڵاحەدین تا دوو هەفتەی دیکە دوادەخرێن، بەڕێوەبەری ڕاگەیاندنی زانکۆی سەڵاحەدین ئاماژە بەوە دەکات، هەردوو وەزارەتی خوێندنی باڵا و پەروەردە بڕیار لەسەر کاتی تاقیکردنەوەکان دەدەن.

سامان عەبدوڵڵا، بەڕێوەبەری ڕاگەیاندنی زانکۆی سەڵاحەدین ڕایگەیاند، سەرجەم تاقیکردنەوەکان دواخران و هەموو ئەو وانانەی تیۆرین بە ئۆنلاین و ئەلکتڕۆنی دەخوێندرێن.

سامان عەبدوڵڵا سەبارەت بە وانەی پڕاکتیکی و ئەنجامدانی تاقیکیکردنەوەکان و تاوتوێی توێژینەوەی قوتابییانی قۆناغی چوار دووپاتی کردەوە، دوای دوو هەفتەی دیکە ئەنجوومەنی وەزارەتی خوێندنی باڵا و توێژینەوەی زانستی کۆدەبێتەوە و  بڕیاری پێویست دەدات.

بەڕێوەبەری ڕاگەیاندنی زانکۆی سەڵاحەدین ڕوونیکردەوە، بەڵام ئێستا سەرجەم وانەکان بە ئەلیکترۆنی و ئۆنڵاین دەخوێندرێن.