خوێندن لە ڕێگەی ئی-وانە یاخود پلاتفۆڕمی قوتابخانەکەم ئەنجام دەدرێت

وەزارەتی پەروەردە خزمەتگوزارییەکانی پلاتفۆرمی ( ئی-وانە و قوتابخانەکەم) یاخود لە گروپە ئەلیکترۆنییەکانی قوتابخانەکان بۆ قوتابییان ڕادەگەیەنێت.

کەمێک لەمەوبەر وەزارەتی پەروەردە بڵاویکردەوە، قوتابخانە حکومییەکان بەشێوەی خوێندنی ئەلیکترۆنی و دیجیتاڵی دەتوانن سوود لە خزمەتگوزارییەکانی پلاتفۆرمی ( ئی-وانە) و پلاتفۆرمی ( قوتابخانەکەم ) وەربگرن، یان سوود لە گروپە ئەلیکترۆنییەکانی قوتابخانەکان وەردەگرن بۆ پێدانی ئەرکی ماڵەوە لەلایەن مامۆستایان بەشێوەی ڕۆژانە وێڕای پەخشکردنی وانەکانی هەموو قۆناغەکانی خوێندن لە هەرسێ (تەلەفزیۆنی پەروەردەیی ) هەولێر و سلێمانی و دهۆک کە لەهەموو شارو شارۆچکەکانی کوردستان پەخشیان هەیە ،

سەبارەت قوتابخانە ناحکومییەکان وەزارەتی پەروەردە ئاماژەی بەوە دا، سیستمی وەزارەتی پەروەردە و قوتابخانە ناحکومییە نێودەوڵەتیەکان و بیانییەکان خوێندنی ئۆنلاین  بەگوێرەی سیستمی خۆیان بەرکار دەکەن. 

وەزارەتی پەروەردە دڵنیایی بە قوتابییان دەداتە، لەکاتی گونجاو هەموارکردنەوە و گۆڕانکاریی لە ساڵنامەی خوێندن دەکرێت وکاتی تاقیکردنەوەکان دیاری دەکرێت  و مافی قوتابییان پارێزراو دەبێت.