هەرێمی کوردستان بڕیاری قەدەغەی هاوردەکردنی تەماتەی هەڵگرت

وەزارەتی کشتوکاڵ بەهۆی کەمبوونەوەی تەماتە و بەرزکردنەوەی نرخەکەی بڕیاریدا، بە هەڵگرتنی قەدەغەی هاودەکردنی تەماتە.

کەمێک لەمەوبەر وەزارەتی کشتوکاڵ و سەرچاوە ئاوییەکان لە ڕاگەیەندراوێکدا ئاماژەی بەوە دا، دوای بەدواداچوونیان بۆ بەرهەمی تەماتە لە گشت سنووری بەڕێوەبەرایەتی گشتی کشتوکاڵی پارێزگاکان و ئیدارە سەربەخۆکانی هەرێمی کوردستان، بۆیان دەرکەوت کە بەرهەمی تەماتە لەبازاڕەکان زۆر کەمبووەتەوە و نرخی بەرزبۆتەوە.

وەزارەتی کشتوكاڵ ڕوونیکردەوە، بڕیاریاندا بەهەڵگرتنی قەدەغە لەسەر بەرهەمی تەماتەی هاوردە لەدەرەوەی وڵات لە رێکەوتی 29ـی3ـی2026 جێبەجێ دەکرێت و کاری پێدەکرێت.

ئەمە لەکاتێکدایە، لە 1ـی 2ـی 2026 وەزارەتی کشتوکاڵ و سەرچاوە ئاوییەکانی هەرێمی کوردستان بڕیاریدا بە دانانی قەدەغە لەسەر هاوردەکردنی بەرهەمی تەماتە لە دەروازەکانەوە بۆ هەرێمی کوردستان.