موجتەبا خامنەیی یەکەم پەیامی خۆی بڵاوکردەوە
موجتەبا خامنەیی، ڕێبەری باڵای ئێران لە یەکەم پەیامیدا هەڕەشەی تووند لە ئەمریکا دەکات و باسی تۆڵەکردنەوە دەکات.
دوای چوار ڕۆژ لە هەڵبژاردنی ڕابەری باڵای نوێی ئێران، لە یەکەم پەیامیدا هەڕەشەی تووند لە ئەمریکا و ئیسڕائیل دەکات.
لە ڕۆژی 9ـی 3ـی 2026، موجتەبا خامنەیی بە ڕابەری باڵای نوێی کۆماری ئیسلامی ئێران دیاریکرا، دوای چوار ڕۆژ لە وەرگرتنی پۆستەکەی پەیامێکی تووندی دژی ئەمریکا و ئیسڕائیل بڵاوکرەوە.
پەیامی موجتەبا خامنەیی، ڕابەری باڵای کۆماری ئیسلامی ئێران:
-گەروی هورمز بەداخراوەیی دەمێنێتەوە.
-لە ڕێگەی میدیای فەرمی کۆماری ئیسلامی ئێران هەواڵی هەڵبژاردن بە ڕێبەری نوێی ئێران زانی.
-دانیشتن لەسەر کورسی خومەینی و خامنەیی بۆمن کارێکی ئاسان نییە.
- بەردەوام دەبین لە جەنگ و بوار بۆ دووژمن ناهێڵینەوە.
-راسپاردەمان بۆ وڵاتانی دراوسێ ئەوەیە بنکەکانی ئەمریکا دابخەن.
- تۆڵەی ئەو تاوانانە دەکەینەوە کە دوژمن بەرامبەر ئێمە کردی.
- جگە لە بنکەکانی ئەمریکا هیچ شوێنیكی دیکە ناکەینە ئامانج.
- بەرەی مقاوەمە بەشێکە لە شۆڕشی ئیسلامی و لێی جیاناکرێتەوە.
- بەهەر جۆرێک بێت قەرەبوو لە دوژمن وەردەگرینەوە.
- تاوەکو بە تەواوی تۆڵە دەکەینەوە ئەم دۆسیەیە کراوە دەبێت.
- دەستبەرداری خوێنی شەهیدەکانمان نابین و تۆڵەیان دەکەینەوە.
- هەوڵەکانی دابەشکردنی وڵاتمان پووچەڵ کردەوە.
ئەمە لەکاتێکدایە، بەشێک لە میدیاکانی جیهان باسیان لە برینداربوونی موجتەبا خامنەیی دەکرد، کە لە هێرشە مووشەکییەکەی سەر ماڵی عەلی خامنەیی بریندار بووە.
