بۆ چارەسەرکردنی کێشەی مووچە شاندێکی وەزارەتی دارایی فیدڕاڵ دێتە هەولێر
کێشەی مووچەی مووچەخۆرانی هەرێم بەردەوامە
شاندێکی تەکنیکی وەزارەتی دارایی عێراق بۆ وردبینی کردن لە خەرجی و داهاتەکانی حکومەتی هەرێمی کوردستان، سەردانی هەولێر دەکەن.
شاندەکە پێکدێت لە نوێنەری هەر سێ بەڕێوەبەرایەتییەکانی گشتی و بودجە، ژمێرکاری و دیوانی چاودێری دارایی، لەگەڵ وەزارەتی دارایی و ئابووری کوردستان کۆ دەبننەوە و پێداچوونەوە بە تەرازووی پێداچووەنەوە دەکەن.
لەلایەکی دیکەوە، سەرچاوەیەک لە وەزارەتی دارایی و ئابووری هەرێم ڕایگەیاند، ڕاپۆرتی تەرازووی پێداچوونەوەی سێ مانگی ڕابردوو، چوار و پێنج و شەش، ئامادەیە و وردبینی بۆ ڕاپۆرتەکە دەکەن.
لەلایەکی دیکە، دوێنێ شەممە، بارەگای بارزانی ڕایگەیاند، د.فواد حوسێن دوای گفتوگۆ لەگەڵ لایەنە سیاسیەکانی عێراقی گەڕاوەتەوە کوردستان و بە مەكتەبی سیاسیی پارتی ڕاگەیاندووە، كە لایەن و کەسایەتییە سیاسییەکان و حكومەتی عێڕاقی فیدراڵ بۆ چارەسەرکردنی ئەو کێشەیە بەڵێنی ئەوەیان داوە کە لە چەند ڕۆژی داهاتوودا پرسی ناردنی مووچە و شاییستە داراییەکانی هەرێمی كوردستان چارەسەر بکرێت".
ئەمە لە کاتێکدایە، 73 ڕۆژە حكومه‌تی عێراق به بڕیارێكی سیاسی و دروستكردنی چه‌ندین بیانووی دوور له واقیع مووچه‌ی مووچه‌خۆران و فه‌رمانبه‌رانی هه‌رێمی كوردستان دابه‌ش ناكات.
