م.نەژاد حسێن: خۆپیشاندانی قوتابییان بێ هۆکارە و هیچ کێشەیەکی ئاوی گەرم و هەوای گەرم نییە

خۆپیشاندانی قوتابییانی بەشەناوخۆیی قلیاسان بەهۆی نەبوونی ئاوی گەرم و گەرمکەرەوە دەستی پێکرد و بەڕێوەبەری بەشەناوخۆییەکانی زانکۆی سلێمانی دەڵێت: هیچ کێشەیەکی خزمەتگوزاری نییە.

کەمێک پێش ئێستا، م.نەژاد حسێن، بەرێوەبەری بەشەناوخۆییەکانی زانکۆی سلێمانی بە پایتەخت میدیای ڕاگەیاند، هیچ کێشەیەکی ئاوی گەرم و هەوای گەرمی بەشەناوخۆییەکان نییە، با ڕاگەیاندەکان بێنە نێو بەشەناوخۆییەکان و خزمەتگوزارییەکان ببینن.

دوای پشووەکانی سەری ساڵ قوتابییانی زانکۆی سلێمانی گەڕاونەتەوە بۆ بەشەناوخۆیی قلیاسان، نێو کاتژمێرە خۆپیشاندانی قوتابییان دەستی پێکردووە و ڕێگەی ڕاپەڕین – تاسڵوجەیان داخستووە.

بەشێک لە قوتابییانی بەشەناوخۆی قلیاسان بە پایتەخت میدیایان راگەیاند، کێشەکانییان دەگەڕێتەوە بۆ نەبوونی ئاوی گەرم، نەبوونی هەوای گەرم لە کۆندێکشنەکان و نەبوونی کارەبا لە هەندێک باڵەخانەکان.