ڕێگەی بەفرە مەترییەکەی کێلێ ئاسایی بوویەوە
لە ئێستادا هاتووچۆ لە رێگەی کێلێ ئاسایی بووەتەوە
زیاتر لە هەفتەیەک بوو بەهۆی بەفرە مەترییەکەی مەرزی کێلێ هاتووچۆی گەشتیار و بازرگانی وەستابوو، بەکر بایز ئاماژەی بەوە دا، لە ئێستادا هاتووچۆ ئاسایی بووەتەوە.
ئەمڕۆ سێشەممە بەکر بایز، قایمقامی قەزای پشدەر بە پایتەخت میدیای ڕاگەیاند، بەهۆی بەفربارینەوە ماوەی 7 ڕۆژ بوو ڕێگەی مەرزی کێلێ لە سنووری قەزای پشدەر لە هەردوو دیوی کوردستان و ئێران وەستابوو.
بەگوێرەی داتاکانی بەڕێوەبەرایەتی کەشناسی و بوومەلەرزەزانی هەرێمی کوردستان، بڕی بەفر بارین لە دەروازەی مەرزی کێلی مەترێک بووە.
بەکر بایز باسی لەوە کرد، تەواوی ڕێگاکان لە هەردوو دیو لە بەفر خاوێن کراونەتەوە، ئەمڕۆ هاتووچۆی بازرگانی و گەشتیاریی ئاسایی بوویەوە، کێشەی ئینتەرنێت چارەسەرکراوە.
دەروازەی کێلێ دەکەوێتە سنووری قەزای پشدەر لە ئیدارەی سەربەخۆی راپەڕین، هاتووچۆی بازرگانی و گەشتیاری لە نێوان باشووری کوردستان و ڕۆژهەڵاتی کوردستانی تیاییدا دەکرێت.
