ئەمڕۆ 7 گەنجی کورد لە توونسەوە دیپۆرت دەکرێنەوە
بەشێکی دیکەی گەنجە کوردە دەستگیرکراوەکانی ئەوروپا، دیپۆرتی هەرێمی کوردستان دەکرێنەوە
دوای دەستگیرکردنیان لە توونس، 7 گەنجی کورد دیپۆرت دەکرێنەوە.
موسەننا ئەمین، ئەندامی لیژنەی پەیوەندییەکانی دەرەوە لە خولی پێنجەمی پەرلەمانی عێراق و بەربژێری دەرچوو بۆ خولی شەشەمی پەرلەمانی عێراق رایگەیاند، ئێوەرەی ئەمڕۆ 7 گەنجی کورد، کە زۆربەیان خەڵكی ئیدارەی راپەڕینن لە وڵاتی توونسەوە دیپۆرت دەکرێنەوە، ئەمەش دوای ئەوەی بەمەبەستی گەیشتن بە ئەوروپا، چوونەتە ئەو وڵاتە، بەڵام لەلایەن هێزە ئەمنییەکانەوە دەستگیرکرابوون.
لەلایەکی دیکەوە، 42 گەنجی کۆچبەری خەڵکی هەرێمی کوردستان، کە زۆربەیان دانیشتووی ئیدارەی سەربەخۆی راپەڕینن، ماوەی 16رۆژە لە کەناراوەکانی لیبیا لەلایەن گرووپە چەکدارەکانی ئەو وڵاتەوە دەستگیر کراون و تا ئێستا سۆراخیان نییە.
