داوا دەکەم برا گەورە بێتە سەر خەت

دوێنێ گەنجێک لە نێو خۆپیشاندانەکەی گوندی لاجان کوژرا و باوکی گەنجەکە داوایەک ئاڕاستەی سەرۆکوەزیران، مەسرور بارزانی دەکات.

باوکی گەنجە کوژراوەکەی لاجان چیرۆکی کوژرانی کوڕەکەی دەگێڕێتەوە و دەڵێت: "لەکاتی خۆپیشاندانەکە کوڕەکەم دەرگای بارهەڵگرەکەی کردووەتە ویستوویەتی دەربازی بێت و بچێتە نێو ماڵەکانی گوندەکە ڕاستەوخۆ لە نێوەڕاستی شەقامەکە گوللەی بەردەکەوێت گیان لەدەستدەدات". 

بەگووتەی باوکی گەنجە کوژراوەکەی لاجان: "یاسا لە سەرووی هەموومانە و ئێمە باوکێک و سەرۆکێکمان هەیە ناهێڵێت هیچ خوێنێک بەهەدەر بچێت".

باوکی گەنجە کوژراوەکەی لاجان داوایەک ئاڕاستەی سەرۆکوەزیران، مەسرور بارزانی دەکات و دەڵێت: "پێم خۆشە براگەورە بێتە سەر خەت".