کارەبای 24 کاتژمێریی ئاسایی بوویەوە

لەدوای ڕاگرتنی بەرهەمهێنانی کارەبا لە کێڵگەی غازی کۆرمۆر، پێدانی کارەبای 24 کاتژمێریی لەسەرجەم هەرێمی کوردستان ئاسایی بوویەوە.

ئەمڕۆ یەکشەممە وەزارەتی کارەبا لە راگەیەندراوێکدا جەخت لەوەدەکاتەوە، کارەبای نیشتیمانی گەڕاوەتەوە دۆخی ئاسایی و کارەبای 24 کاتژمێری لە پڕۆژەی ڕووناکیش ئاسایی بووەتەوە.

‌‌ئەنوەر حمە سعید، بەڕێوەبەری گشتی کارەبای سلێمانی ڕایگەیاند، ئەمڕۆ پێدانی کارەبای 24 کاتژمێریی لە پارێزگای سلێمانی ئاسای بوویەوە.

شەوی سێشەممە 26ـی 11ـی 2025، بەدرۆن هێرشکرایە سەر کێڵگەی غازی کۆرمۆر بەم هۆیەوە بەرهەمهێنانی کارەبا وەستا و نزیکەی4 ڕۆژە کارەبای %80ـی هەرێمی کوردستان کوژاوەتەوە.