ڕوونکردنەوە لەسەر ستیکەری کۆن لە کۆگا سووتاوەکانی هەولێر دەدرێت
دوای ئەوەی ستیکەری کۆن لەسەر دەرمانی 3 کۆگا سووتاوەکەی هەولێر دەرکەوتن ڕوونکردنەوە دەدرێت
دوای ئەوەی ستیکەری کۆن لەسەر دەرمانی 3 کۆگا سووتاوەکەی هەولێر دەرکەوتن دڵنیایی دەدرێت بە هاووڵاتیان لە دروستکردنی لیژنەی تایبەتمەند.
ئەمڕۆ چوارشەممە بەڕێوەبەرایەتیی کۆنتڕۆڵی جۆریی دەرمان و پێداویستیی پزیشکی بڵاویکردەوە، وێڕای سووتانی چەند کۆگایەکی کەرتی تایبەت بۆ هەڵگرتنی دەرمانی تایبەت بە کۆمپانیایەکی دەرمان و پێداویستیی پزیشکی لەشاری هەولێر، ئەمڕۆ هەردوو تیمەکانی چاودێریکردن و بەدواداچوونی بەڕێوەبەرایەتیمان و تیمەکانی پشکینی وەزارەتی تەندروستی گەیشتنە شوێنی ڕووداوەکە.
بەگوێرەی ڕاگەیەندراوی بەڕێوەبەرایەتییەکە، لەمیانی پیشاندانی سووتانی کۆگاکانی دەرمان لەلایەن ڕاگەیاندنەکانەوە چەند بڕێکی ستیکەری کۆنی ڕەتکراوە دەردەکەوێت کە گوایە بوونی ئەم ستیکەرانە کارێکی نایاسایی و ناڕێنماییە، ڕوونکردنەوە دەدەن بە هاووڵاتییان لەهەر پابەندنەبوونێکی هەر کۆمپانیایەک بەم پڕۆسەیە لەسەر بەرهەمەکانیان، ڕێکاری یاسایی بەرانبەر وەردەگیرێت.
بەڕێوەبەرایەتیی کۆنتڕۆڵی جۆریی دەرمان و پێداویستیی پزیشکی باسی لەوەشکرد، ئەگەر ئەم بڕەی ستیکەری کۆنی ڕەتکراوەی هەڵگیراو بەفەرمی وەرنەگیرابێت یان گومان لەسەر پڕۆسەکە هەبێت وەیان تەواوی ستیکەر و دەرمانەکان تۆمارکراوی فەرمی نەبێت، وەزارەتی تەندروستی بڕیاریداوە بە دانانی لێژنەی لێکۆڵینەوە لە بوونی ئەو ستیکەرانەی کە هەڵگیراون و بەکارنەهێنراون.
